馬賽戀祥仔大得着

黎耀祥於劇集《神探高倫布》中，與馬賽及唐詩詠分別有感情戲，談到與年輕一輩演情侶，他說：「添哥（監製李添勝）選角好，好多人都懷疑我同佢兩個有感情線得唔得，但人物擺入去又OK喎！最緊要情節合理，演員演得投入，觀眾又睇到入心。」而馬賽知道要跟祥仔飾演一對時更十分開心：「前年我對演戲好迷惘，於是買咗佢寫嗰本書嚟睇，睇完好大得着，之後我仲攞咗本書畀祥仔簽名，佢係我偶像！」

此外，談到於劇中分飾的高倫布和高大喜兩個角色，性格不一，祥仔卻認為沒有難度：「以前都係同時間拍多部戲，最高紀錄係一部電視劇同幾部電影一齊拍，而且拍呢套劇時唔太辛苦，時間安排得好好。」