無綫新劇公開選角

無綫高層樂易玲昨日為新劇《Aerobic Girls》選角，吸引逾140名少女競爭劇中七名女主角的「少女版」角色，她大讚面試者質素不錯，並透露會實行「師徒制」，讓新女學足前輩神髓。

改編自韓片《陽光姊妹淘》，並由曾志偉監製的無綫新劇《Aerobic Girls》將於6月底開拍，繼吳啟華及陳慧珊被爆有份參演後，有傳無綫力邀好戲之人毛舜筠和鄧萃雯加入，每位演員分量十足，近日該劇亦密鑼緊鼓地為其他角色物色人選。

140少女試鏡

無綫高層樂易玲、高層梁家樹及監製陳維冠昨日現身電視廣播城，為七個女主角的「少女版」進行面試，吸引逾140名圈內、外的青春少艾試鏡，當中包括女子組合As One三名成員Elfa、Nata和Shin，以及「巨聲3幫」季軍譚嘉儀，為配合角色形象，紛紛以露肩、熱褲打扮出現，青春逼人。問到面試內容是甚麼？譚嘉儀表示事前收到角色資料參考：「我排咗個短劇，有唱歌、跳舞同做戲，自我發揮。（佢哋問你乜？）問我有乜演出經驗，都係自我介紹，冇乜特別。」

志偉一早「監場」

而樂易玲表示志偉昨晨已來過觀看情況，又指希望先選一批女仔，稍後再進行第二次面試，更大讚不少面試者的質素不俗。至於七名「熟女版」主角何時公布？樂易玲說：「我哋想揀好『少女版』先，之後再一次過宣布。我想師傅帶徒弟，等啲徒弟可以跟到大嘅神髓，做得似啲。（會揀似樣嘅？）未諗，但唔會所有角色都唱歌、跳舞。選角最緊要係同角色神似，可以畀多啲新鮮感觀眾。」另外，提到日前被指在志偉生日派對中煲煙，她即否認：「邊有呀！」