黃婉曼肚痛潛水唔怕失禁

藝人黃婉曼下月將於水族館與2千條深海魚及鯊魚潛水同游，昨日她跟隨潛水教練學習，未落水已一臉驚恐，她說：「我唔識游水，所以好驚、好驚，驚到腸胃炎，尋晚仲肚屙。阿媽叫我咁危險咪做，但應承咗冇辦法，惟有瞞住阿媽，同教練學得最多嘅係求救訊號。」公司已為她買重數千萬元保險，她笑言現時才知道自己身價那麼高！問到會否擔心潛水時失禁，她說：「唔會咁誇張啩！水底有水壓！」落水後，她緊張到硬晒軚，練習用潛水器呼吸時不停大叫，潛入水池後更緊閉眼睛，似遇溺多過潛水！