苟姑娘怒冚蕭正楠

蕭正楠昨日宣傳劇集，慘遭苟芸慧怒摑，「啪」一聲令他不懂反應！至於在劇中「捐精」給蒙嘉慧的方中信，在活動上獲贈雞精補身，但已育有一女的他表示現實中不打算再追多個。

楊怡昨日偕苟芸慧、蕭正楠、方中信及李綺雯等，齊集無綫電視城宣傳劇集《仁心解碼II》，惟同劇的陳茵媺因在馬來西亞拍劇而未有現身。一眾演員公布劇集錄得最高收視31點，而大會更安排即場重演前晚播出蕭正楠被苟芸慧掌摑的一場戲，誰知苟芸慧竟毫不留情地向蕭正楠出手狠摑，「啪」一聲令全場目瞪口呆，連蕭正楠亦來不及反應！他說：「點解咁大力嘅？唔係借位咩？」事後被問到會否生氣？他說：「邊嬲得落？苟姑娘一句『唔好意思』，乜都謝晒啦！其實拍嗰陣NG咗兩次，被摑咗十一巴o架！（現實中畀女人摑過？）以前就有畀阿媽摑，依家都冇啦！」

苟芸慧解釋因聽到一聲「Action」便很投入：「我啲戲到，唔識就位，太入戲。」蕭正楠聽罷笑問，若與她拍接吻戲能否來個法式濕吻。而對於有報道指苟芸慧靠甄子丹姨仔汪圓圓介紹男友，她說：「我嚟香港已經識圓圓，係好朋友。嗰晚係佢嘅單身派對。（介紹男友畀你？）女仔靠自己最好，唔係事實報道唔着緊，自己行得正企得正。」

方中信雞精補身

此外，劇中借出精子給蒙嘉慧成孕的方中信，昨日在活動上獲贈雞精補身。問到現實中會否再追多個？已育有一女的方中信說：「再鋒利嘅刀鋒都有生銹嘅一日，仲生嚟做乜？分薄晒囡囡啲福利。囡囡好醒目，只係要玩具。」