Iris勇闖疫區打碟吸金

內地華東地區H7N9禽流感肆虐，但模鍾采羲（Iris）及林宜芝（Monna）等日前無懼疫情，前往廈門夜店性感打碟，勁吸6位數人仔。Iris更透露遲些會孖着Monna前往疫區杭州，繼續打碟之旅！

華東地區H7N9禽流感繼續蔓延，確診人數有上升迹象，但「爆E超蓮」鍾采羲（Iris）、林宜芝（Monna）、郭穎兒（Celia K.）及曾善美無懼疫情，日前到廈門夜場打碟吸金。四女當晚打扮性感，大騷事業線，觀眾逼爆整間夜店，現場更有十多名保安維持秩序，非常大陣仗！雖然疫情肆虐，但四女仍與Fans作近距離接觸，現場氣氛High爆。

Iris透露勁吸6位數人民幣，非常滿意酬勞。對於內地爆發疫症，她說：「之前有少少擔心，但相信唔係咁嚴重，而且搵錢為上，雖然表演時唔戴得口罩，但嚟嗰時都有自備口罩，人多時會戴。」

避食家禽防中招

而Monna則自言非常細食，故到內地工作時會避免進食家禽，只吃蔬菜充肌。Celia K.表示有做運動的習慣，抵抗力不俗，故不擔心。另外，Monna與Iris透露將於下星期前往已有H7N9確診個案的杭州打碟，笑言「錢字行先」，但會做足防疫措施。