黃榕摷垃圾桶搵銀包

性感女星黃榕於上周五（12日）工作後，偕經理人到蘭桂坊夜蒲消遣時，不幸遺失了銀包，她大呻失去證件令她損失甚大，因她昨日本要赴廣州做騷，其後亦要往返內地多次，分分鐘損失六位數人民幣：「嗰晚我同經理人去玩，有個男仔突然走埋嚟攬住我經理人錫，我貪玩即刻喺手袋攞部相機影相，可能嗰時畀人偷咗銀包都唔知，到我發現時已經搵唔番個男仔，咁啱店內又有人發現唔見銀包。」她表示當晚與經理人在夜店附近不停摷垃圾桶，有如「垃圾婆」，但最後都失望而回。幸她成功申請補辦證件，不過只能申請到一日證件，之後每次要再申請，非常麻煩。