轉口風唔結婚婷婷：分手冇所謂

謝婷婷與男友安志杰（Andy）拍拖以來感情穩定，更有指二人會於今年拉埋天窗，但昨日婷婷出席活動時態度有異，據知他們正處於冷戰期！剛從意大利旅遊回港的婷婷，問到男友Andy有否同行？她說：「冇呀！佢喺美國，因為佢家姐結婚。（咁你唔去？）我太忙喇，而且佢之前接咗四部戲都好忙，大家都夾唔到時間！」當記者追問二人婚期時，她淡淡地說：「未諗到邊個月，當我冇講過啦！（會唔會好失望？）依家工作緊要，其實我哋未真正商量過，次次講講吓佢都Off咗個話題，婚都未求過！」問到會否怕不結婚就會「分」時，不諳中文的婷婷竟說：「冇所謂！（分手喎？）咁都冇得怕，兩個人開心就得！」

記者其後致電婷婷父親謝賢，問到女兒分手一事？他表示不知情：「我唔理仔女嘅事，佢咁大個識得處理！」卻自爆已數個月未有見過Andy。