曾志偉生日P 寶珠姐畀面到賀

曾志偉前晚於迪士尼酒店設生日宴，與近300名好友一同慶祝60歲。晚上約9時，壽星公志偉拖住陳寶珠、楊天經及太太步出，折返後接受傳媒訪問，志偉表示寶珠到來乃全晚最大驚喜，不諱言最初邀請對方出席派對時，曾擔心被拒絕！問到雙方相識經過，志偉說：「因為天經而識，其實我同天經背景差唔多，大家都背負住一個行業好成功嘅長輩嘅辛苦。」他透露寶珠姐未離開前滴酒不沾。而情緒高漲的志偉，在場內除與張學友相擁外，還接受出爐影帝梁家輝一吻，約10時，邱淑貞與上山詩鈉先送女兒上車離開，再返回場內繼續狂歡。

至於有份出席派對的周家蔚，昨日出席活動時透露因湊仔而提早離場，留下老公洪天明殿後，沒料天明竟醉倒，令她要照顧兩個「仔」！提到分娩後兩個月的她，收身情況似尚有進步空間，家蔚表示已減了廿磅：「畀人影到大Pat Pat係我不自量力着短褲，以後唔會，其實好大壓力，前幾日仲喊，磅嚟磅去都係一樣，希望老公明白我！」