巡唱攻147場單挑學友
陳奕迅（Eason）昨日在演唱會記者會上，獲溥儀眼鏡行政總裁邱子傑先生送上眼鏡賀再度加場。對於已有炒飛情況出現，他踢爆爸爸陳裘大也想加入「排隊黨」：「我阿爸話『啲阿姨一星期前開始排飛500蚊一日，我冇去到蝕咗。』我叫佢去囉，但要小心身體。」一身「飛債」的他又指要公開道歉：「我囡囡個數學老師攝咗張紙仔話要20張飛，但已經3星期前，我唔記得咗。」Eason自爆近日為避飛債而閉關：「我匿埋唔想見人，曾志偉生日冇去，又冇做鄧紫棋嘉賓。（太太徐濠縈呢？）佢離開香港添！」
問到今次巡迴個唱打算開多少場？Eason揚言要挑戰另一「歌神」張學友的紀錄，他說：「開147場，因為學友146場，不過佢用咗17個月，我可能要用17年先做完。」