陳國峰搵夾萬仔儲戲飛

巨聲幫成員陳國峰除了有「歌癮」外，原來亦有一鋪儲「Old School戲飛」癮，他表示自初中十幾歲開始儲，至今家中收藏已達百多張電影票尾了：「最正以前係劃飛、搣紙，戲飛上面得戲院名、冇電影名，但啲字好港式，依家全部都係好電腦化嘅印刷，最深刻係睇過《算死草》、《高度戒備》。我覺得香港冇咗保留文化嘅概念，由傳統嘢不斷丟走佢，到依家冇人懷念呢樣嘢，有啲戲院仲執咗添。（點保存啲戲飛？）我放咗喺以前文具店買嘅夾萬仔度。」

陳國峰又笑稱讀書時，曾試過由中午至夜晚看幾部電影，以致讀書成績差，但他指自戲飛電腦化後，早幾年已沒有再儲了：「已經冇衝動令我儲，因為依家紀念性冇咁大啦！」