Bob古靈精怪氹寶貝女

電台主持林盛斌（Bob）早前憑戴假髮騎呢Look演出劇集而人氣急升，已有兩個寶貝女的他，承認為氹愛女開心，不時做出古靈精怪表情討好乖女：「當小朋友唔開心同扭計時，整啲古怪樣一定氹到佢。」

鏡頭前的Bob輕而易舉做出多個搞笑表情，他說：「對我嚟講一啲都唔難，不過鏡頭後都會爭取時間畀面部休息吓。」

Bob的趣怪造型已成為「標記」，更因此帶挈工作量大增：「多咗廣告、製作公司搵我，同埋婚禮主持。（擔唔擔心定咗型？）唔介意，我比較大膽去醜化自己，最緊要觀眾開心同喜歡。」問到是否做「男版開心果」？他謙稱：「能夠做到就求之不得啦！」