馬浚偉以歌手身份到電台宣傳：「雖然話出碟難做，但始終要有人做，今次11隻歌，8首福音歌，5首我作曲、填詞。（回巢無綫拍劇？）傾緊5月拍民初劇，喺無綫咁耐都未拍過。（嗌高價？）叫滿意啦！最驚唔慣，拍內地劇一日一組，無綫一日兩組。（帶頭搞抗爭要無綫改制？）唔啦！成功就話英雄，不過我感覺到啲監製考慮多咗演員休息需要。」
