女星石詠莉於本月10日晚在西貢與一食肆負責人互相推撞，有人報警求助，警方以涉嫌普通襲擊罪拘捕兩人，兩人獲准保釋候查。石詠莉說：「交咗畀律師處理，唔方便講太多。」據知，石詠莉跟食肆負責人多次發生口角，她表示過去飽受困擾：「我住喺呢度廿年，依家都怕咗上上落落，經常畀人言語攻擊，非常困擾，希望快啲結束！我最擔心屋企人，依家搵緊屋，考慮盡快搬走。」
