劉坤銘：啲仔大個想跟我

昨日劉坤銘以顧問局成員身份出席《仁濟醫院第45/46屆董事局交代就職典禮》，對於早前其前妻羅霖受訪時暗示夫家不喜歡她娛樂圈出身？劉坤銘反駁：「可能係佢私人感受，我唔覺得！（佢同你屋企人關係點？）OK，不過可能我哋成日唔喺香港，生疏啲！（佢話冇攞過你一毫子？依家贍養費點？）處理緊，一路有畀生活費。」談到羅霖離婚後感情生活豐富，他稱沒有關注：「佢依家單身，可以有佢自己生活。（怕唔怕影響小朋友？）希望佢識得處理。」他坦言與前妻只透過律師聯絡：「三個仔會跟媽咪，如果啲仔OK都應該三個一齊住，但我覺得啲仔大個咗應該會想跟我住，男仔都鍾意跟Daddy。」而同場的賭王三太陳婉珍對於女兒超雲傳與陳山聰分手一事，依然不作回應。

而羅霖接受電話訪問時，對於前夫指將來兒子或會選擇跟父同住，又指自己懂得開車會較方便，她說：「識唔識揸車只係小事，最緊要錫小朋友，我同佢（前夫）都好錫佢哋。」