盧海鵬踩入紅館試咪

惡搞大師盧海鵬即將夥拍搞笑能手詹瑞文於6月在紅館開兩場扮嘢歌舞騷，兩大笑匠合作，主辦人丘亞葵說：「鵬哥扮嘢好有代表性，同詹瑞文傾今次合作，佢都好興奮，想挑戰吓鵬哥！」入行幾十年的鵬哥首度踏足紅館舞台開騷，主辦單位將會讓處男下海的他任意發揮：「我哋諗咗好多方案，例如鵬哥鍾意試咪，就畀佢初嘗紅館試咪！」

丘亞葵又表示為增加扮嘢感覺，將會到內地物色山寨明星到場，和兩位主角惡搞一番。而兩人將會化身《少年Pi的奇幻漂流》主角，化身老年Pi拍攝海報，實行貫徹扮嘢特色！