受託轉交頭髮信Amanda S.喊驚

名模Amanda S.前晚出席品牌住宅慶祝派對,她透露在亞洲與歐洲都有投資物業。開甜品店的她,平日吸引粉絲慕名而至,但最近多了陌生人找她:「好多人嚟舖頭搵我,叫我幫佢畀啲嘢其他明星或者名人。但有個人畀咗封信我,入面有頭髮,叫我畀一個有錢人嘅老婆,我好驚,一見到就掉!」

同場的應昌佑坦言有留意老闆黎明與前妻樂基兒的新聞:「但冇過問。(佢心情受影響?)我結婚時見過佢,都冇嘢喎!(公司冇樂基兒物件?)冇乜見到。(黎明枱頭有冇換相?)佢有獨立房,通常放自己相多。」

Amanda S.解釋沒有即時拒絕陌生人的要求是不想沒有禮貌。