藍鑽「升值」逾百倍 林青霞後悔冇買

大美人林青霞昨日穿上黑色晚裝及戴上2,400萬元首飾,與繼女邢嘉倩及蔡志明夫婦等出席卡地亞最新高級珠寶晚宴,略為心廣體胖的她風騷問記者自己似不似明星:「人生有好多角色,幾日前我係慈母,今晚着晚裝戴珠寶就係明星,嚟呢度我好享受,有好多寫作題材。」她笑言後悔結婚時沒買下100萬元藍鑽石:「今日見到要1億9千萬,早知當年買啦!(對你濕濕碎啦?)對邊個都唔係濕濕碎。(叫老公送?)算啦,佢唔交戲。」她自爆買了品牌的皇冠為女兒準備嫁妝,但女兒不感興趣,故決定自己60大壽時戴,並說:「(珠寶)只要鍾意就唔會覺得貴,冇限幾錢,買得起就買,唔會花老公錢買。」她又表示經常夢見已故好友張國榮,夢中他靜靜坐下,身邊有一班朋友。

而同場的蔡志明太太李惠莉戴上老公送的品牌手錶:「佢冇原因送手錶畀我,咁先好,佢會送珠寶畀我,我就幫佢買衫,佢信得過我品味。」問到兒子蔡加讚的婚禮籌備,因加讚忙於工作周圍飛,故主要由未來新抱汪圓圓搞,當得悉圓圓上海返來後身體不適,蔡太笑說:「咁叫佢哋唔好太近接觸喇!」

林青霞何時出現都是大美人,貴氣不凡。

邢嘉倩與繼母林青霞的好友陶敏明(右)現身晚宴。

蔡志明夫婦恩愛,當然會傳授相處之道給兒媳。