臍帶血盒跟身 羅嘉良等「接生」

羅嘉良的太太蘇岩下周剖腹分娩,昨日二人在微博上載五張懷孕寫真照,相中蘇岩不施脂粉,但相當精神,她留言:「羅先生親自掌鏡為我拍下一組產前寫真,他說要讓女兒以後看到這美妙的一刻。」羅嘉良冧爆回應:「這是我見過最美的孕婦。」

記者昨日致電羅嘉良,他興奮地說:「呢胎準備開刀生。(擇咗時辰八字?)唔係。(改名未?)改咗五、六個,生出嚟睇吓感覺再決定。」提到兩公婆經常行街,他說:「想佢做多啲運動,臍帶血個盒我都袋定喺身,驚佢隨時生得。」對於親自操刀影老婆大肚寫真,他笑說:「喺屋企影嘅,老婆一早睇中呢道牆,仲有啲更加唯美同流露孕婦線條嘅相,我自己珍藏,唔會公開。」