Mandy「舞」仔埋身夜場等運到

名模Mandy Lieu近日搖身一變成為DJ女郎，為本月19日舉行的《Hennessy KYRIOS Electrosonic Party》打碟搞氣氛。原來Mandy不但精通鋼琴及小提琴，更有深厚的舞蹈底子。首次打碟的她既緊張又興奮，更向身邊的DJ朋友偷師！樣靚身材正的她竟慨嘆在夜場甚少男士埋身，皆因她熱愛跳舞，一落場便起勢狂跳：「可能我跳得太勁，搞到啲男仔唔敢埋身。」

單身多年的Mandy雖有追求者，但感情卻仍未有着落，她坦言恨拍拖：「其實我呢幾年單身多咗好多時間，多咗機會了解自己，不過依家已經Ready畀人了解喇！」她表示不介意在夜場找真命天子：「我覺得男朋友喺邊度識都冇所謂，最重要係有緣分！」