傅嘉莉行善新世「袋」

經常四圍飛的模特兒傅嘉莉早前抽空拍慈善相集，更捐出愛袋籌款，她亦打算返內地砌磚頭，為災民重建家園。

模特兒傅嘉莉（Kelly）跟不少女生一樣，愛買靚衫靚袋，更不惜大灑金錢，她笑言家中靚袋無數，但卻不捨得丟棄或賣掉。向來熱心慈善的Kelly早前為慈善機構「仁人家園」拍攝慈善相集，適逢主題與手袋有關，Kelly即二話不說捐出愛袋，讓有需要的人重建家園，她說︰「呢啲只係奢侈品，自己一路以來都鍾意做善事，覺得係福氣，因為有能力先做到，對自己或對人都有好大幫助。」

Kelly望落弱質纖纖，但她希望為慈善「出力」，計劃年中隨慈善機構返內地起屋，她說︰「唔驚辛苦，幫到人，幾辛苦都值得！」去年忙於工作的她希望能抽多點時間做慈善，她說︰「之前做Model成日周圍飛，本Passport印滿晒印，其實好想用少少時間做善事，所以之後去內地起屋，已經同公司講抽時間參與。」

免費教細路畫畫

此外，熱愛畫畫的Kelly笑言打算免費教小朋友畫畫。問到會否索性開畫展籌款？她笑說︰「我都想！如果大家唔嫌棄我嘅畫功都可以，不過如果係好似今次咁影相集就當然冇問題啦！」