哨牙蕭噴完又噴熟女忍無可忍

陳茵媺（Aimee）與蕭正楠（Edwin）繼《法證先鋒Ⅲ》及《天梯》後，再於《仁心解碼Ⅱ》碰頭，又再由冤家變情侶，他倆表示早已默契十足。

飾演心理學家的Aimee為令角色更添「成熟感」，特別調整說話的語調，她說：「平時自己好多小動作，講嘢快又夾雜英文，今次專登冇尾音同硬啲！」談到與Edwin「再續前緣」，她笑言對着其哨牙無時無刻都忍俊不禁，每次唸對白都要望實他的嘴，才能理解他的說話：「佢都不知噴咗幾多次口水去我塊面度！」

而Edwin這次分別與Aimee及苟芸慧發生感情，但其中一場被掌摑戲，卻因Aimee笑而令他慘吃NG，他說：「佢哋真打o架！打咗兩巴再轉個圈，成塊面已經紅晒啦！仲要NG添！」