高海寧撈過界吸金

「咪神」高海寧最近踩入司儀界頻頻獲邀擔任晚會司儀，愈來愈多瓣數搵銀！她說：「近排多咗好多做晚宴活動嘅司儀，上個月已經有四單。（習慣擔任司儀？）做司儀對自己都係一個突破，事前都要做足工夫，好似要記熟啲人名、啲獎項名，呢啲係唔錯得嘅。」

問到會否轉向司儀方面發展？高海寧說：「做娛樂圈各方面都要不斷增值，自己口才唔算叻，可以再加強，就算做唔到周身刀、張張利，都要做一個全能藝人，一直以嚟都學緊唱歌。」她稱有次為晚宴擔任司儀，嘉賓反應熱烈：「嗰次入到場，全場起晒哄歡呼，好似自己開緊演唱會咁，令我好難忘！」