林超賢平常心爭獎

本屆金像獎「最佳導演」候選人中，憑英皇電影《逆戰》競逐獎項的林超賢可算是資歷最深的一位。面對一眾強敵，林導以平常心對待：「呢個世界冇話必勝嘅，有時要講天時、地利、人和，亦要睇吓個大氣候吹乜風，例如講緊維護港產片尊嚴，呢類電影可能會着數啲。」

當年與師傅陳嘉上孖住執導《野獸刑警》而勇奪金像獎「最佳導演」，可惜並未令他平步青雲：「遇啱業界低潮，差唔多隔咗成年先有工開。」林導更指「名」的追求不及「利」實際：「作為一個商業片導演，最緊要都係票房，老闆肯唔肯投資，都要同你計數。」