江若琳單挑偶像周迅

江若琳首次提名香港電影金像獎「最佳女主角」，便單挑極具分量的周迅和楊千嬅，她揚言獲評審挑選入圍，還要靠外界給予信心迎戰。而最令江若琳高興的是能夠與偶像周迅一起角逐，無論結果如何，已是一個賞賜。

江若琳曾演出十多部電影，最終憑電影《高舉．愛》中的表現獲得肯定，成功提名今屆香港電影金像獎「最佳女主角」，並單挑憑兩片「叫雙飛」的實力派演員周迅，以及楊千嬅。論資歷江若琳還淺，但論演技她未算遜色。能夠躋身五強，固然為她打了一支強心針，但最為令她興奮的便是遇上周迅這位偶像，問到對周迅的評價？她坦言仍在學習階段，沒有資格評論，但不期然流露出對偶像仰慕之情：「周迅係我好大嘅偶像！佢有豐富嘅演出經驗，演技有目共睹。喺芸芸女星當中，佢係我最崇拜嘅一位。我最欣賞佢喺鏡頭前有一種好強嘅魔力，每一個眼神、表情同神態都好有味道，好吸引。」而楊千嬅被指演喜劇出色，每每令觀眾產生共鳴，但江若琳卻指千嬅不止喜劇出色，演各類電影也能散發出不同的味道：「我欣賞佢無論喺戲中笑、喊，都有一股好大嘅感染力。」

盼獲外界認同

有指江若琳的資歷會是她登上影后寶座的絆腳石，面對強勁的對手，她未有卻步：「信心我有，係來自各位專業評審對我嘅肯定，大家畀咗一個機會我入圍。我拍攝每一部電影都係用心去做，唔會諗獎項回報，有提名對我嚟講已經係獎勵。我經常同人講，《高》片係我第一部電影，因為過往作品較多係年輕人嘅群戲，我要從過往學習到嘅發揮出嚟，過往算係學習階段，直到《高》片我知要發揮出來，好似面臨考試一樣，我只希望呢部電影可以令外界更認同我。你問我資歷係咪絆腳石？我只可以講有提名已經係賞賜，我要好好多謝每一位評審。」