李嘉欣老公投訴冇計仔 囝囝嫩手咪亂洗

李嘉欣昨日出席《第15屆愛彼女皇盃獲選參賽馬匹名單公布會》，並擔任應屆愛彼女皇盃大使。與老公許晉亨共同擁有兩匹愛駒的她透露兒子小JM亦是愛馬之人：「佢見過侏儒馬，覺得好得意，好想摸。（有冇見過你哋嗰兩隻馬？）冇，但會喺電視機前為兩隻馬打氣，舉起雙手，好似小馬迷咁！」她表示家中嚴禁養寵物，寧願兒子將來選擇養馬。談到內地爆發H7N9禽流感，嘉欣不敢忽視，所以經常為小JM洗手，卻令老公埋怨，她笑說：「佢叫我唔好再用酒精幫囝囝抹手，搞到佢隻手皺晒喎！（會唔會避去內地做嘢？）啱啱接咗去上海嘅工作，三星期後出發，我會帶定口罩同小心飲食。」