周秀娜戰鬥格暗示等人追

「宅男女神」周秀娜（娜姐）前晚以超密實造型現身跑馬地馬場，她自言會賭馬，但落注時只會選好意頭的馬名。問到是否看馬比看人有眼光？她自嘲是「戰鬥馬」：「如果有人喺後面追我，我就會好努力咁向前衝，我指事業方面。」但亦似暗示追求者放膽追求！

有指同樣擁有32D的歌手蔚雨芯是她的翻版，娜姐表示未有聽聞，但笑說：「幾好呀，幾好呀！（似樣都幾好？）似唔似都冇所謂，都希望大家好，大家做自己嘢，有機會要相認吓！」