玉女超欣索爆登場 四太超盈錫到燶

賭王大讚「靚到不得了」的何超欣前晚從英國回港，為媽媽梁安琪撐場，甫現身已成全場焦點！今年踏入十四歲的她除了Keep着靚樣外，身形亦夠高挑，長得亭亭玉立，果然何家有女初長成，新一位「宅男女神」又成功誕生！

前晚，灣仔會展舉行《保良壬辰、癸巳年董事會聯歡晚宴》，賭王何鴻燊四太梁安琪以副主席身份出席活動，長女何超盈及兒子何猷亨都有撐場；而孻女超欣亦從英國返港，長得亭亭玉立的她隨a意穿上黑色Coatdress及白色船踭鞋，非常省鏡！她除了保持靚樣，又擁有高挑身形，真是「索爆鏡」！

四太笑稱有食飯

超盈以希臘女神的露背造型現身，但相比之下，還是超欣較為搶鏡，因此亦成為焦點所在，難得超盈毫不介意，盡顯大家姐風範，全程被妹妹翹着，果然姊妹情深！

記者大讚超欣身形高挑，四太說：「食飯嘛！（有冇星探發掘？）乜星探？冇聽過，周迅主演嘅《聽風者》就聽過！（畀唔畀佢做模特兒？）得唔得呀？一來唔夠高、二來仲讀緊書。」

及後，記者問她是否因工作忙碌以致消瘦不少？她笑說：「我夾硬着到咁Fit！我冇瘦到，而係肥咗！」問到仔女是否有興趣加入保良總理行列？她指他們年紀尚小：「讀完大學先算啦！」