周杰倫彈餐懵死「忍」

志偉相識滿天下，各地好友及藝人前晚紛紛出席生日派對，不但有台灣天王周杰倫（Jay）、馬來西亞歌手巫啟賢、台灣失明歌手許哲誠及內地天王孫楠即席獻唱外，還有內地一級演員趙本山及胡軍，趙本山更成為人肉布景板，不少人要求合照。Jay先以鋼琴彈奏《菊花台》給志偉獻唱，當志偉台上敬酒時，又急召正準備上洗手間的Jay上台獻Sing，已有少許酒意的志偉笑說：「忍住先咪去啦！上台唱咗歌先！」其後成龍、呂良偉、任達華、孫楠及劉嘉玲紛紛上台敬酒及談笑風生，Jay慘被冷落場邊。

本以為會高歌一曲的Jay卻被成龍叫打功夫，當成龍及孫楠等獻唱《朋友》時，他又淪為鋼琴手伴奏，無緣開口獻唱。當晚Jay連走兩場，出席生日會後即急急腳到《華鼎獎》慶功宴，步入酒店門口時又撞正成龍及新人張藍心，成龍竟提示張藍心叫Jay做「杰倫叔叔」。當被問到有否祝賀成龍獲獎時，Jay即顯得一臉愕然。