黎耀祥北上拍劇驚雀屎冇得避

黎耀祥、胡杏兒、蕭正楠及馬賽等昨日出席新劇《巾幗梟雄之諜血長天》開鏡拜神，對於杏兒有被姦戲份，祥仔自言角色乃性無能，所以未有這樣的福氣，談到H7N9禽流感疫情近日在內地擴散，稍後將到佛山拍外景的他，表示會多加小心：「始終內地多人死都大件事，6月嗰段時間又熱，愈熱病菌愈犀利，咪少啲食雞，煮熟啲嘢食，最驚就係拍拍吓戲隻白鴿屙啲屎落嚟啫！」

杏兒對於近日被《好報》拍到與同性於街頭咀嘴，惹來同性戀之嫌，她說：「我諗暫時唔會啩！不過呢個世界冇嘢係100%！（仲鍾意男仔？）係嘅，我係有好多呢類（同性戀）朋友，不過冇試過，亦未畀同性追求過。」