甄子丹太太汪詩詩（Cissy）日前出席Dior活動前不慎弄傷腳，但依然堅持以高跟鞋上陣赴會，她說：「當日我整完頭髮之後，睇唔到有梯級所以仆倒，我痛到大叫，好似斷咗腳咁，我心諗品牌一早安排好晒，所以唔好意思唔去，而且我當晚條裙太長，一定要着高踭鞋先撐得起，所以就照着，不過夜晚痛到瞓唔到覺。」她表示翌日發現腳踭腫如雞蛋，她便買拐杖輔助步行，她笑說：「酒店話借輪椅畀我坐，但我唔想太誇張，囝囝對拐杖好好奇，佢用嚟當機關槍掃射，好搞笑！」