蕭芝戀斷正左右閃

最近憑《仁心解碼II》「哨牙仔」一角獲讚的蕭正楠（Edwin），身價升呢後月前斥資逾400萬元買樓，與何傲芝的拖友關係更是圈中公開的秘密。看似順風順水，但原來他仍未冧掂「未來外父」，有指何父希望女兒嫁得好，似未滿意Edwin的成就。

前日下午，Edwin、何傲芝與妹妹何傲兒及高鈞賢等現身沙田馬場撐好友，戴黑超的Edwin與傲芝在沙圈時更親密自拍，但返回大堂發現記者後即「變臉」！傲芝一個急步向左走，拋下男友與傲兒等人離開，Edwin則縮到最後向右走，兜了一個大圈才會合友人，明顯不想公開關係。

仲唔認拍拖

事後，Edwin受訪時表示不知何父是否在場：「要問番佢哋，可能佢呢排忙！（支持何父？）唔係，朋友有馬出賽，其實我好少入馬場，佢兩姊妹多啲。（做咩咁避忌？）可能之前有新聞，佢（傲芝）有啲避忌。（對你哋有影響？）本來無一物，算啦！」但他不忘讚「Uncle」好人，不時指點他馬匹知識。女主角傲芝則透露前日父親亦在場，但因各有朋友而沒有碰面。問到父親是否不贊成與Edwin交往？她說：「唔係咁，佢不嬲畀好大自由度我哋兩姊妹！（想你嫁個有錢人？）唔係！我19歲已經加入馬圈，要識都唔係依家！」

至於同場的妹妹何傲兒，出道以來緋聞多多，最近便被拍得與「翻版祖藍」Wilson過從甚密，但當事人一直未有回應。提到「蕭芝戀」，傲兒不欲多談，但對爸爸被指介紹富家子「相睇」，她即澄清：「我哋出身小康，爸爸從來冇過問我哋嘅事業同感情事，只會無限量支持！」