Carol認唔熟：私底下冇聯絡！

「浸大E神」楊焉（Carol）兩個月前加盟陳百祥（阿叻）旗下，即被指成為阿叻新寵，加上如今JJ不再續約，旋即踢走「一姐」JJ！Carol昨日接受電話訪問表示，對JJ的事不清楚，更否認是一姐：「我邊有咁大能力逼走佢！我相信JJ係經過深思熟慮，咁大個人會計劃過先下決定，冇任何人改變佢嘅選擇。」她直認與JJ不相熟：「我哋私底下冇聯絡，喺公司聚會見過，覺得佢同公司同事關係好，同埋叻哥都好照顧佢，我會祝福佢。」有指JJ不甘常演花瓶及小三角色而拒續約，她自言是新人，會珍惜每一次機會及角色，更透露現時有扮演大肚婆及啤酒妹等配角。問到可有覺得JJ揀角色不專業？她說：「每個人有唔同立場，有唔同嘅感受，我唔可以代表JJ答任何嘢。」