舊愛沈震軒爆有新動向

沈震軒對於舊愛JJ不續約阿叻公司，直言對方可能想抖抖，又笑言她剪了新髮型可能有新動向，問到JJ是否不開心？他說：「唔會！佢好多工作，處事愈嚟愈成熟。（同你呻過唔想做小三角色？）佢對工作幾上心，之前演小三畀人鬧過，都有同佢傾過，專業演員做得好，唔使怕人講。」他又否認JJ有結婚打算。

另外，曾是阿叻旗下的裕美當年傳出因不滿公司偏重JJ而離開，對此她否認不和：「唔係好熟，但OK。（JJ被指恨嫁唔續約？）佢鍾意演藝工作又做得好，我覺得佢結咗婚都會做。（佢話以後唔做小三角色？）啲人成日話佢呢啲樣係做第三者，可能觀眾入晒心，畀人咁講梗係唔開心。」而同門師妹「魔鬼胸」蔚雨芯對於JJ不續約，大感不捨，祝福師姐事業、愛情兩得意。