區文詩撈過界開時裝店

歌手兼DJ區文詩自小立志做生意，現正計劃與朋友開設樓上時裝店：「生意係人生大事，唔可以輕舉妄動，有相士話我30歲前唔適合做生意，我依家都踏入30歲，係時候計劃。」她認為時裝是必需品，可以一試，但不會放棄現有工作，只當這盤生意是興趣，不會給自己太大壓力。至於會否參與設計？她說：「我主要喺歐美入貨，亦會售賣明星二手衫，最欣賞Balmain設計師Olivier Rousteing，希望有機會合作。」

此外，她透露年中會推出第三張個人大碟，以婚姻為主題：「好多人覺得女人30歲係適婚年齡，我覺得好荒謬，盲婚啞嫁年代已過，點解要為結而結？過30唔一定係剩女，可以係盛女！」並指未有計劃結婚，認為女人可以獨立養自己。