黃翠如TVB「紮營」

藝員黃翠如昨日於西環出席商場復活節活動，最近憑劇集上位而密密接騷的她說：「的確多咗好多，因為之前係零，劇集有好大幫助。」近期她忙於拍攝《舌劍上的公堂》，試過三日兩夜以TVB為家：「外景同廠景有三、四個鐘可以休息，但我屋企住得太遠，一來一回返去沖涼，車費都要四百幾蚊，不如喺公司休息室瞓覺好過，有晒牙膏、牙刷同棉被，喺公司梳化瞓仲可以敷埋Mask添！唔覺得辛苦，好似去Camp咁，精力OK！」她更笑指是在公司「紮營」最多的女藝員：「我冇潔癖，個人又污糟邋遢，試過由北京坐火車去莫斯科拍嘢，七日冇沖過涼，依家喺TVB唔算辛苦喇！」