打造夢幻組合 阿倫未忘戰友盼哥哥仍在生

一代巨星張國榮（哥哥）2003年4月1日於文華東方酒店一躍而下，結束了光輝的一生。相隔十年，哥哥的一眾圈中好友仍未忘懷，當中，譚詠麟更慨嘆：「若果哥哥仍然在世，話唔定我哋依家會係好拍檔。」

電台節目DJ梁泰來請來哥哥生前圈中好友譚詠麟、莫文蔚（Karen）、林憶蓮及陳潔靈等，一起細訴與哥哥的當年情。主持談到當年阿倫與哥哥鬥得旗鼓相當，一眾「哥迷」及「倫迷」更似是水火不容，但阿倫力證兩人實屬好友，並憶述他們曾經在東京音樂節上揀中相同的粉紅色衫，想不到哥哥卻輕鬆地說：「怕咩呀！當香港隊囉！」對此，阿倫慨嘆：「若果哥哥仍然在世，話唔定我哋兩人依家會係好拍檔。」

阿倫又指出哥哥在臨終前的數個星期正為搬屋而煩惱，因此邀請了他和陳百祥（阿叻）到哥哥家中作客：「因為哥哥個魚池好多錦鯉，佢就請咗我哋一齊去飲下午茶傾吓點樣搞，結果將啲錦鯉送咗畀阿叻。」當主持提到阿叻曾公開抨擊哥哥，而哥哥亦當面質問過阿叻，不過阿倫坦言沒有印象。

Karen咀哥哥廿幾晚

另外，Karen憶述8歲時曾與哥哥在麗的電視（亞視前身）歌唱比賽上碰面：「我到依家都仲好有畫面，佢當時着白色西裝，真係好靚仔！」Karen入行後，便趁與哥哥合作拍電影時相認，但哥哥竟笑說：「咁我咪係你Uncle囉！」其後，哥哥視她為世姪女，並邀請Karen擔任其演唱會嘉賓，一同合唱情歌兼錫錫，更有幸咀足廿幾晚。