偉仔問哥哥：不如我哋由頭嚟過

嘉賓梁朝偉甫出場，即以哥哥在電影《阿飛正傳》最愛的對白「要記得始終會記得」作開場白，並坦言終於明白這句說話的意思：「你離開咗我哋三千幾日，這一生繼續進取，令我這分鐘記掛着誰，雖然大家冇得再見，但唔會忘記呢個一分鐘嘅朋友。」其後，偉仔代表全場「哥迷」問哥哥：「你係咪仲記得我哋？」語畢，現場即播出哥哥生前的片段，片中的哥哥說：「我會記得你哋嘅掌聲同歡呼聲。」

偉仔坦言至今仍保留哥哥的電話號碼，有次錯手致電對方，並以電影《春光乍洩》的對白留言給哥哥：「當時我留言：『不如我哋由頭嚟過！』如果由頭嚟過嘅話，相信台上唔止得一個你！如果你留言，又會想講啲咩呢？」接着播放哥哥昔日個唱中的說話：「I love you all！」而壓軸的偉仔與哥哥進行最後一次「與哥對話」，偉仔說：「今晚風繼續吹，仍不忍別離，仍習慣離開你。我知你心願係做導演，今晚所有人都係你嘅演員，張導演，呢度交畀你！」語畢，全場粉絲高舉電燭光表達對哥哥的思念，並播出哥哥演唱《明星》的片段。