哥哥絕密Message終於舒服瞓一覺

十年前的今日，「哥哥」張國榮在愚人節中彷彿跟大家開玩笑－巨星隕落，震撼全球華人心靈。昨晚，哥哥生前好友兼經理人陳淑芬公開埋藏在心底十年的絕密Message：「我終於可以好好哋舒服咁瞓一覺啦！」此訊息，留給至今心繫哥哥的每顆心慢慢意會。

哥哥張國榮十年前的今天一躍成英魂，壓碎了無數人的心。十年來，哥迷與好友未曾忘懷，醉人風采仍牽絆在每個人的心中。昨晚，哥哥紀念活動《繼續寵愛．十年．音樂會》在紅館舉行，哥哥生前好友兼經理人陳淑芬曾表示會在音樂會中，公布一個連哥哥摯愛唐鶴德（唐唐）亦不知的「絕密Message」，令人對哥哥此最後訊息更為在意。

昨晚音樂會由陳太的錄音揭開序幕：「2003年4月1日晚上6點43分，平地一聲雷，打碎咗好多人嘅心，當時喺現場嘅我，仲未知道發生緊咩事，突然感覺成個人輕咗，靈魂好似脫離緊我嘅軀體一直向上飄，同時聽到一把聲音同我講：『我終於可以好好哋舒服咁瞓一覺啦！』呢件事，我一直冇同其他人提過，直到有一日我聽到呢首歌，歌詞完全反映咗當日發生喺我身上嘅感覺，所以，今日我想同大家一齊分享我當日嘅感受。」接着一聲摔破玻璃的聲音，隨即音樂旋律響起，播出了張學友當年獻給已故好友梅艷芳的歌曲《給朋友》。歌曲過後，陳太的錄音繼續播出：「你放心喇！我哋明喇！知道喇！你安心去你嘅自由空間啦！我哋會永遠都記住你！」

張敬軒重現經典造型

音樂會舞台以鑽石形設計，並以紫色作主色調，舞台背景掛上阿拉伯數字2003至2013這十年的數字，當中「2003」及「2013」掛在舞台的中央。台前有18張圓桌留予哥哥的生前好友，出席群星有梁朝偉、張學友、古巨基、容祖兒及周慧敏等。當中張敬軒以哥哥經典的雌雄同體造型現身，獻唱《芳華絕代》；容祖兒則唱出她最喜歡哥哥的歌曲《我》，並說：「多謝哥哥，哥哥有非凡英俊嘅面孔，佢啲歌可以令平凡人變得獨一無二！」；周慧敏與張智霖合唱《當愛已成往事》，她說：「好榮幸可以同哥哥合作拍戲，當年我喺戲度做佢女友，佢好似當我小妹妹咁照顧我，關心我同我傾偈，當時哥哥講會寫首歌畀我，我好開心。」說到此時，周慧敏已有淚意，但仍續說：「我冇諗過會成事，但對哥哥嚟講可能好小事，所以我可以唱到哥哥寫嘅歌，今日我終於有勇氣喺哥哥嘅紀念活動唱出呢首歌。」

學友為哥哥作大突破

音樂會期間，不時播出的一段段好友的錄影片段，張智霖說：「哥哥係好好嘅藝術家，佢唔會令人怕咗佢。」曾經多得哥哥提攜的舒淇說：「哥哥每次同我拍戲，佢都會陪我對戲，佢講過話一直陪住我。」武指程小東說：「當日拍戲時，林嘉欣要吊威吔，哥哥就同佢講：『我成日都吊威吔啦！我會陪住你。』」導演關錦鵬亦分享：「當時拍戲有一幕要哥哥行上樓梯，然後回頭一望，拍完大家翻睇時，哥哥問大家：『我係唔係好靚呢？』我就話：『乜你咁自戀o架！』哥哥就講：『咁點呀！咁點呀！靚好緊要！』」證明哥哥的一言一語，已深深刻在每個人的心底。」

接近尾聲時，學友身穿紅衫黑超、露趾鞋出場向貪靚的哥哥致敬，他說：「呢個打扮係對哥哥最大尊敬，因為哥哥鍾意打扮，對我係大突破，我無需講有幾思念哥哥，因為哥哥一直喺大家心入面。」之後，群星出場獻唱《風繼續吹》送給哥哥。