Niki坐天華大髀

周麗淇（Niki）及謝天華昨日為新劇結局造勢，Niki玩遊戲時，竟主動坐在天華大髀上，天華則禮尚往來大摸特摸Niki的長腿，老友鬼鬼玩到癲！

周麗淇、謝天華和呂慧儀等昨日與劇集《女警愛作戰》演員齊到屯門宣傳，Niki在眾目睽睽下主動坐天華大髀，被譏太耐冇坐男人大髀，她說：「我都唔記得有幾耐啦，頭先天華摸我，我想嗌o架，但玩遊戲唔出得聲。（心急搵個男人坐大髀？）咁男人功能唔只咁嘅！我都有人追，睇唔啱啫！我雖然難Handle感情事，但話唔定遲啲會突然豁出去！」

天華則對Niki又讚又彈：「佢輕咗喎！坐得OK，幾舒服，腳又幼，皮膚又滑！（佢話你摸到佢想嗌！）梗嗌啦！佢有幾可畀人摸？不過我只係摸到牛仔褲啫！佢話個劇大結局收視過三十點會錫我喎，但錫邊度由我決定，我依家仲未諗掂！」

呂慧儀下盤攻擊

而以短褲示人的呂慧儀幾乎走光，她說：「我冇搶鏡，之前宣傳又話我着軍裝遮實晒。（老公只准露腳，唔畀露胸？）冇喎，呢身打扮係佢幫我襯，留番啲擺喺大結局啦！（恨露肉？）恨拍劇咋！」同場的王君馨和趙希洛玩遊戲時，不時彎腰俯身，而劇中演「維園霆鋒」的黃子恆則用口餵趙永洪食生果，比慘被剝衫的壽星仔翟威廉，以及下月四日生日的朱璇還要搶鏡。