張兆輝傷完耳仔又拗柴自嘲犯太歲

張兆輝、徐子珊、陳煒及岑麗香等，前晚齊齊食劇集《神槍狙擊2013》收工飯，「跛跛吓」的輝哥表示踢波時「拗柴」，談到早前拍劇又被流彈擊中耳仔，今年經常受傷的他笑言可能犯太歲！早前曾炮轟無綫拍劇踩足30小時的他還澄清:「我再重申一次，我冇炮轟無綫，亦好明白香港拍劇一定辛苦，但如果編排方面做得好啲就可以避免，我之前喺街上遇到發嫂（周潤發太太），佢有安慰我話人紅先係咁。」

另外，將放一個月假的徐子珊想去台灣探望家姐：「台灣啱啱地震，好彩佢哋冇事。」而陳煒下月則會陪老公到巴黎一星期：「佢傾生意，我就去旅行。（乘機造人？）老公都唔心急，考慮吓先。」