志偉同壽星鬥遲醉

下月便跟B哥哥一樣6字頭的曾志偉，戴上假髮及巨型鬍子到賀，造型爆笑！問到準備了甚麼禮物，他笑說：「仲諗緊，我要出奇制勝畀驚喜佢，爭住先，總之我生日前會送畀佢。」他笑指一身打扮「搞咗好耐」，問到是否受獎金吸引，他笑說：「錢事小，畀人笑事大！啲喇叭褲好難搵，公司都冇咁短。（王祖藍着過喇叭褲？）佢冇我咁瘦嘛！」幾乎逢P必醉的他，因前半部要做司儀，不會飲太多：「之後先KO阿B哥，一定唔會早過佢醉！」

另一老友阿倫則被取笑一身打扮似足其母的年代，問到預計B哥哥還是志偉會先醉到不省人事，他笑說：「B哥哥唔會醉嘅，佢咁錫身。志偉呢就不自量力，年事已高！佢呢排搞緊60大『瀉』（壽）吖嘛！」