梁慧恩滑雪扮勁抽晒筋

婚後「不設防」的藝人梁慧恩（Viann），趁未「中獎」，早前抽空到阿爾卑斯山滑雪，但她自嘲：「自己不自量力，一開始上去好高嘅地方，但實在太斜，玩咗一陣已經標晒汗玩唔到，當時企喺山中間，一係行番上去，一係落山，最尾我揀咗落山，但有啲位斜到睇唔到前面，最後只好扮海星大字形咁滑落去，落到山大髀抽筋，仲要落雨，又凍又濕又痛，未返酒店已經病得好厲害，當時有一刻驚返唔到去添！」

Viann無恙返港後，笑言如果老公同行情況便完全不一樣：「如果佢喺度，就唔會畀呢件事發生，佢實叫我去啲小朋友區域玩，我有朋友拍咗片畀佢睇，睇我嘅背影都知我有幾沮喪，哈哈。」