正在台中趕拍偶像劇的陳曉東，前日早上遇上南投縣的6.1級地震，當時在酒店休息的他狼狽得僅穿內褲躲在枱底！東東憶述：「本來我唔敢郁，但驚萬一出事畀人救出時個樣嚇親人，所以即刻衝入房笠番條長褲，成個過程只係用咗3秒鐘，自己都『O嘴』！」陳母其後在微博提醒愛兒記得穿好衣服，就算逃難也要型到底，以防餘震時再出洋相。
陳曉東
