常在學友心王家衛：腳步聲都有戲

張學友：理性地，我知佢走咗好耐，但實際上又好似好新咁，佢喺我個心度！當年佢有事嗰陣（患抑鬱症），我成日上去探佢，好多時會問自己如果當時陪佢多啲，會唔會好啲呢？最大感觸係覺得樂壇冇咗佢哋（指哥哥及林振強），好似冇以前咁精彩。

王家衛：聽張曼玉講過，喺拍攝《阿飛正傳》一場樓梯戲前，佢見到張國榮走來走去，一問之下先知佢做緊腳步聲嘅準備。雖然場景睇唔到，但原來腳步聲都有戲。

關錦鵬：張國榮係一個好自信、好注重自己形象嘅人，自從佢離開之後，我覺得佢身上嘅舞台氣質、表演精神再冇延續。

陳凱歌：張國榮好用功，當年為做好《霸王別姬》嘅角色，不惜喺開拍前6個月去北京學京劇，相信依家已經冇人會咁做。

張栢芝：哥哥，我好好，你唔使擔心我，我依家有兩個好可愛、好健康嘅小朋友，活得很開心。你在甚麼地方都好，你都會活在我心入面！

許冠傑：Leslie，天國快樂！好Miss佢，呢10年都好懷念佢。我將會喺澳門開演唱會，都預咗一Part去緬懷Leslie同哥哥許冠英。

喺呢10年入面，久唔久都會想起佢，可能係一首歌、一啲回憶。佢經常喺我夢入面出現，只要心入面有佢，佢喺邊又有乜所謂！