哥哥唐唐笑顏再現歐遊絕密照搶先曝光

今年是哥哥張國榮逝世10周年，經理人陳淑芬特別為他推出一本記事簿，當中更有一張哥哥與摯愛唐鶴德（唐唐）歐遊時拍下的食雪條絕密照，在燦爛的陽光下，哥哥的溫柔笑容再現！

為紀念哥哥逝世10周年，陳淑芬（陳太）將於後天在紅館舉行一場《繼續寵愛．十年．音樂會》，參與歌手多達15位，包括張學友、陳慧琳、梁朝偉、容祖兒及古巨基等，同時推出一系列限量紀念品包括記事簿，當中印有兩張哥哥與唐唐從未曝光的絕密照。

本報率先取得一張二人於1998年同遊巴黎時，在大草原前食雪條的照片，相中的哥哥與唐唐同樣戴上黑超，哥哥孭着斜孭袋，而翹埋雙手的唐唐則一手揸雪條、一手攞水。

笑容燦爛歎雪條

相下印有唐唐引用蘇軾作品《江城子》的心聲：「十年生死兩茫茫，不思量，自難忘。逝水如斯，而不捨晝夜。人生無常，唯獨愛有永恒，讓我們繼續寵愛張國榮。」寥寥數字盡訴千言萬語，字裏行間充滿對摯愛的思念。

問到唐唐會否出席紀念音樂會，陳太說：「冇話一定去同一定唔去，睇到時咩情況，相信太多記者可能唔嚟。」她坦言很少在唐唐面前提起哥哥：「冇提好多年，生忌、死忌前後都唔會提，以前成日陪佢，後來知道令佢好大壓力，所以呢幾年呢啲日子，佢都會出門。」

陳淑芬心痛未止

事隔多年，陳太現時聽到哥哥的歌曲仍會淚流披面：「上次搞5周年時，搵番哥哥嘅歌同片都忍唔住。」她曾透露今次是最後一次為哥哥舉行音樂會，問到是否不想勾起回憶，她說：「驚處理得唔好，做嘅過程好痛。」而多個大型紀念活動亦已陸續舉行，包括在奧海城及時代廣場舉行的紀念展覽。