珍姐幫馬浚偉出頭傾約

馬浚偉曾與無綫藝員部鬧不和，要求提前解約。據悉，無綫戲劇製作總監曾勵珍一直力邀他回TVB拍劇，而監製梁材遠亦揚言已落實找馬浚偉在五月拍攝民初劇《守業者》，他將在劇中與麥長青飾演兩兄弟，而楊怡則會擔任該劇女主角。

記者昨日致電馬浚偉，他說：「啲合約搞埋先啦！」他透露今次是由「恩師」曾勵珍替他傾談合約：「珍姐一直想我返去，合約都幫我處理埋。（之前同藝員部不歡而散，今次有冇同樂易玲溝通？）唔好講不歡而散，大家都係成年人，我唔知依家公司合約要經邊個。（以後遇到樂小姐會尷尬？跨越咗佢？）我只係一個演員，以前我係經理人合約，依家唔係，其他嘢我唔理。」