吳千語包場睇林峯新片

吳千語、吳雨霏（Kary）及Jocelyn夫婦前晚出席活動，千語透露男友林峯在內地拍戲，要逗留三個月，她亦未必會探班，但表示會睇林峯主演的新戲《忠烈楊家將》，甚至考慮包場：「套戲係我老闆（黃百鳴）投資，又多靚仔，一定會睇。（林峯最靚仔？）我都識吳尊，大家各有各唔同。」

Kary曾與林子祥兒子林德信傳緋聞，問到對方跟日模松岡李那打得火熱，她說：「我哋不嬲唔傾感情事，如果係真，咁佢哋都係靚仔靚女好襯呀！（要學你公開戀情？）每個人做嘢唔一樣，我都想低調處理。（幾歲結婚？）冇咁快。（閃婚？）唔會。」她又指近日與男友余文樂各有各忙，甚少見面。