CoCo孖老公拍大肚裸照

名模蔣怡（CoCo）和老公翁狄森前晚拍拖出席時裝活動，懷孕六個月的CoCo竟穿上四吋半高踭鞋到場，她笑言有老公在身邊故不擔心，並透露上圍升了一Cup，現在感受到大肚婆的好處：「之前係小小女王，依家就光明正大做女王，之前瞓晏覺都有少少內疚，依家一啲都唔會。」問翁狄森可有擔心老婆？他笑說：「頭先抱住佢嚟，佢好叻，着高踭鞋係女人天性，我鍾意大肚婆着得咁Sexy，依家佢圓潤好多，女人圓潤好好睇。」CoCo透露將於懷孕八個月時拍攝大肚裸照，問老公可會一起拍攝？翁狄森笑稱男人沒有甚麼好看，但後來又自爆已搵定攝影師，屆時可能會兩夫妻一齊上陣。