識一日撩上床 葉德嫻教後輩咪「性」急

娛圈充斥「處女論」，影后葉德嫻（Deanie）亦表示要教年輕一輩愛惜身體。前晚她出席客串電影《一個複雜故事》的首映，片中講及金錢、情慾等問題，Deanie姐說：「有啲荷里活片好奇怪，識第一日就上床！你知唔知對方有冇傷風呀？（有冇人識一日就撩你？）我冇咁前衞！（認為要幾耐先可以有性行為？）至少三個月啦！」又提醒要做足安全措施！　

對於工作，Deanie姐表示暫時未再遇上合心意的角色，又繼續發揮幽默本色說：「係要接受挑戰，不過四仔（色情電影）就唔可能啦！（唔會搵你啩？）有啲人變態，想睇老人家會點！」