「處」理緋聞兩態度

被稱為無綫「四大處女」的苟芸慧及鍾嘉欣，分別出席公開活動大談緋聞。苟姑娘前晚出席電影首映，對於與天王郭富城的緋聞惹來「正印」熊黛林高調反擊，她說：「呢排忙工作，冇機會留意（報道），唔想再回應。（同城城保持距離？）過去就由得佢過去，經一事長一智，學識咗點去處理，有時聽唔明就盡量唔去講，費事講多錯多。」

而鍾嘉欣昨日為飲食節目《May姐有請》錄影，她自嘲廚藝麻麻，故希望順道偷師，雖然曾試過為家人下廚，但否認緋聞男友伍允龍曾試其手勢，並甜笑說：「通常煮畀屋企人食。（煮嘢畀伍允龍食？）未試過，整好啲先畀佢食。」